嘔﹗

我要收返夏銘記好乾淨呢一句呀﹗

今早一起來個肚已經攪個不停，
一洗澡就忍不住嘔喇﹗
還要只得紫菜喎﹗﹗

回到公司，又痾
之後嘔again﹗
又係一大堆紫菜呀﹗

頂，以後紫菜禁止入口呀﹗

太健朗是我媽的模特兒

我媽從來都沒有學過畫畫，
但她竟然能畫得肥仔好似樣呀﹗
真係可以做一門生意呀﹗
你們想不想趁青春整張人像畫呀？
可以替你打個友情價呀﹗





每一次同肥仔影相，
佢老頭子又不滿，又要襯墟一番喎﹗



張生家留下的一隻半野貓
介乎有人養與無人養之間﹗
有一張床響公園，每日定期有人refill食物同水﹗
難得實蕉們又沒有反對喎﹗
好嗲咖﹗
你撩佢，佢好少唔應你的﹗

係你喇﹗

放工後趕去電影中心，在公司留下乘搭亡命小巴。
一上車，真的被掛滿了窗簾的車窗吸引住。
好想走上前問司機，點解既？
在臨開車前千鈞一髮之際，拍下這張照片﹗
唔‧‧‧我估我都唔會拉囉﹗真係好似十世都無洗過呀﹗




少數我肯光顧的粉麵店，難得地乾淨+不難吃﹗
很愛吃紫菜撈麵，還有墨魚丸﹗
有d人唔x唔鬆化，這裡的魚皮當然是比那類人好啦﹗
不過呢，今次幫襯吃到有好重味精喎﹗
是不是暗示我不用再來呀？



看完電影後，有一陣好強的西瓜味撲鼻﹗
一望前面貨車的隔離，一地都係爛西瓜呀？
忍不住同張生講句：想唔想食西瓜呀？
車上的司機啤了我一眼呀﹗
我影了這張相後再問一次﹗佢沒有理會就自顧自地走了去﹗




之後好口痕呀﹗去了澳記吃燉奶﹗
叫了之後3秒就有得吃，會唔會快得滯呢？
張生說這店最出名是效率不是食物﹗
我說他們的服務是有d西咖﹗
張生回：嘩﹗你忽然咁厚道既﹗
我：咁呀‧‧‧好撚西囉﹗

是日我們的坐位正正在門口隔離，
每有客人進入，侍仔們都會高呼幾多位﹗
有一位侍仔如是說：幾多位？幾多位？3位？3位係你喇﹗請埋黎﹗
嘩﹗我們一聽到句係你喇真係差d噴奶囉﹗
係唔係而家搵位難過中獎所以要咁興奮呢阿侍仔哥哥？

p.s.在登打士街附近有一間腳底按摩店，
大大隻字：批腳皮$78-
？？？而家腳皮可以當陳皮賣呀？咁貴既？

壓抑得夠了沒有？

試想想‧‧‧
要一個心理不平衡的人扮正常地上班，是何等危險﹗

我就快爆喇﹗
成間公司的同事都扮斯文﹑假到p街的一堆人﹗
好辛苦耶﹗爆粗又唔得﹑發癲又唔得﹗

我幾時先可以回復自我呀？

重慶燒一燒再燒

昨晚去了電影中心買今晚《Milk》的戲票，
估不到Sean Penn拿了個奧斯卡影帝原來對票房完全無幫助﹗
還有很多位選擇耶﹗
(我當然是先斬後奏地買，張生是極度討厭同志題材﹗)
唉﹗好啦好啦﹗最多下個星期請你看《一百萬零一夜》啦﹗

之後會合張生，去了重慶燒吃晚飯。
已經去過好幾次，但還未厭呀﹗
雖然上次上大陸已經出現了一間比它還便宜 & 水準也不錯﹗
但遠水不能救近火，想食都要有時間上去先可以嘛﹗

每次去到必吃的是燒蠔呀﹗
今次燒蠔真的燒到剛剛好呀﹗
又無縮水d味又唔太濃，好吃﹗

我們還叫了好多食物呀﹗
有西冷牛扒､玉米､涼拌青瓜､雞軟骨､雞腎､清酒煮蜆､檸檬雞翼﹗
張生不夠加了牛仔骨､鴨胸 & 豬扒﹗

西冷扒一開始我已不想叫，來到時未放入口都知好韌﹗無下次﹗
其他都是一樣水準，
其實一定要提侍應不要落孜然粉否則吃不出味道來﹗
所以檸檬雞翼比較好吃，
完全沒有孜然粉，清新的檸檬味+脆脆的雞皮=正﹗

清酒煮蜆先火滾耶﹗
催了幾次吃完所以東西還未出現，出聲取消先有﹗
這間鋪真的間歇性漏單囉﹗
好不好扣分呢？好不好再光顧呢？


p.s.我還未習慣去到食肆影影影囉﹗
做足心理準備後，網誌會有相片的了﹗

黑仔記之我沒有運氣選擇正常的食肆

近幾次白撞地幫襯食肆都嚴重失手﹗
這一間可算是極品﹗

每次在葵涌運動場跑完都會經過信芳街，
見到一間時常滿座的中菜店當然會心郁郁想試試﹗

星期六晚在APA看過《變形記》後便到葵芳會合張生。
左揀右揀到好多店鋪都收左皮後，決定到這間新豐一試﹗
晚上天氣頗清涼，選擇了坐在店外。
看到多數人客都叫了蠔仔餅，我們也不甘後人叫了一碟﹗
來到時，當然襯熱辣辣放入口啦﹗
張生吃了一口後說：頂﹗好厚粉呀﹗肯定個比例係一份旦九份粉呀﹗
之後再來了兩個菜：啫啫通菜煲，椒鹽骨。
那個菜真是一絕，等了30分鐘都算，看到那個所謂煲，只係一堆煮熟了的菜放在一個煲﹗
吃了一口，心想....出事喇﹗那星﹗咁大個人第一次吃油鹽水浸菜囉﹗
真係..你同我講無啫啫通菜煲好過啦﹗敷衍我都唔好太過份嘛﹗
那個椒鹽骨.......唔.........都不用形容喇﹗雪味重又太咸﹗

唯一好既....竟然是青島啤囉﹗都唔關那間鋪事啦﹗

可以列入黑名單了﹗

p.s.張生再一次地暗笑：好在唔係我揀啫﹗唔係咪又俾你小﹗

p街﹗你好野﹗

死仔包

叫你唱首方大同既歌俾我聽啫~~有幾難呢???

你咪用張學友腔唱呀!!打x你咖!!!

歷史在重演

不斷胃痛！不斷失眠！
無緣無故的哭！
到底發生了什麼事？
我知道一定和工作無關！

懷念那時天真的我

剛剛看到自己一篇寫於二零零二年四月二十九日的網誌
真希望自己還能像從前一樣。


==========================================================
連日來都不是太開心，當我不開心的時候，只有兩件事想做。吃甜品和剪頭髮。但今天不知吃什麼好，所以去了剪頭髮。我怕再這樣下去，我會越剪越短，最後變了光頭就慘了！今天去的髮型屋的服務真的一流，可惜的是沒有剪出我想要的髮型。到底理想的髮型師在那裡﹖希望會找到他！
剪完頭髮後，買了一個腸仔飽吃。每次吃腸仔飽，我會對自己說﹕下次！下次我一定要吃到新鮮的腸仔飽！唉~~~但係說了不下十次,仍然沒有做到！究竟何時才能吃到新鮮滾熱辣的腸仔飽呢﹖
==========================================================

運動

現在每天都有運動，為了下星期一作準備。
雖然遲了一點開始，但也好過完全沒有準備嘛﹗
肌肉酸痛得很，想過好多次要放棄，
我對自己說沒有不勞而獲﹗
希望可以過得了這一關，縱使前面的路難行。
我確信．．．挨過了，一定會雨過天青﹗

True Blood ( 內地譯: 真愛如血)

上年看到HBO放映時已經好恨看的一套戲集﹗
年初三往內地時，忍不住買了﹗(小朋友不要學呀﹗)
看了一集已上了癮﹗
對比《Twlight》，這套更情色，更懸疑，戲情也更吸引﹗
(兩套都是改編自小說的﹗)

Anna Paquin(扮演主角Sookie Stackhouse)真的長大了，由《Piano》到《X-Men》都有留意她﹗
她每一個造型都誘人，難得的是她一點也不介意門牙的罅﹗
笑容可掬，身材一流﹗噢﹗我真的好像一個咸濕伯虎﹗
Stephen Moyer扮演的Vampire，神情口音入型入格．．．迷死人耶﹗
但Sam Merlotte這個角色真的很不討好，感覺猥褻呀﹗
比Sookie的哥哥Jason更討厭呀﹗
另一對活寶貝是Sookie的黑人好友Tara和她的表哥Lafayette，
他們精警的對白真是一絕呀﹗

雖然只是看了一半，還是忍不住去了wikipedia看了結局。
但我還是會看完這一季的﹗
期待Season2的來臨呀﹗

p.s.Opening Theme: 《Bad Thing》is so great﹗

近來隨身聽

橙月

百聽不厭,soulboy果然利害﹗
柔柔的，真的好像一首一首的詩。
我知有些人不明白soulboy之魔力。
正如我也不明白棒棒糖與飛撚開的魅力﹗



Ten Days In The Madhouse

好愛好愛她做的每一個企劃﹗
做到自己喜愛的事亦同時間幫助到有需要的人﹗
最愛一首是<美空雲雀>，意境意識都美好﹗
我們真的要好好珍惜生命珍惜地球資源呀﹗
真的不明為何張生聽一次這張碟後的評價是:好難聽﹗我不會再聽﹗
(他平時是挺buy 何詩詩的﹗)



太陽

期待三年，真的要慢慢享受﹗
翻唱了寫給楊乃文的<征服>，
重新填詞，更柔，不一樣的味道﹗
可惜二月二十一日沒有空，
多渴望看她的演唱會﹗



Joanna &

喜愛她怪怪的爵士，she's definitely freak!!
翻唱的《times of your life》很動聽，
好像看到一個人的一生。
<我的愛>好像電影<芝加哥>的歌超jazz﹗
一邊聽一邊想像到一個瘋狂歌迷的行徑﹗

that's why I never talk to you

我有一個習慣，好喜歡看他人的部落格。
每次看後都覺得對那人認識多點。
認識多一點並不等於會與那人close一點﹗

今天看了那人的部落....令我想起幾年前的一件事。
一直也對那件事耿耿於懷....因為我在乎與她的友情。
還記得她突然宣布的一件事，很驚訝也覺得很理所當然。

當事件發生時，真得沒想過原來你在意的並不等於他人也在意﹗
看到別人對一段期間的回憶刪除時，你有沒有想過刪除的動機？
一直也沒有提起這件事是我真的又氣憤又失望。
真的一點也不值得你提起﹖那麼不提也罷。

就讓你與我之間美好的時光永永遠遠的停留在那時。